Undanfarið hafa stjórnarherrarnir verið að guma af því,að  kaupmáttur ráðstöfunartekna muni aukast um 55% frá árinu 1995 til loka kjörtímabilsins 2007 miðað við skattatillögur ríkisstjórnarinnar. Það á nú eftir að koma í ljós hvort lækkun tekjuskatts á kosningaári og hækkun skattleysismarka á kosningaári kemur til framkvæmda. Núverandi ríkisstjórn hefur áður farið létt með það að svíkja kosningaloforð.

 En þó svo að ríkisstjórnin stæði við loforð sín munu  kjör eldri borgara lítið batna við þessar aðgerðir hennar. Samkvæmt útreikningnum Landssambands eldri borgara mun kaupmáttur ráðstöfunartekna stórs hluta eldri borgara aðeins  aukast um 9,3% á umræddu tímabili. Um  10 þúsund eldri borgarar eru með með um og undir 110 þús. kr. á mánuði í tekjur.Kaupmáttur þessa hóps mun hækka um 12,2% fyrir skatta á tímabilinu 1995-2007 en kaupmáttur eftir skatta  mun aðeins aukast um 9,3%.Þetta er vegna þess að skattleysismörkin hafa  lækkað að raungildi og væntanleg leiðrétting á þeim dugar ekki til.

Björgvin Guðmundsson