Sýnt hefur verið fram á, að tekjuskattar hafa hækkað hjá þeim,sem hafa lægstu tekjur.Þetta á við eldri borgara sem eru með lágar tekjur.Áður voru bætur eldri borgara skattfrjálsar en í dag greiða þeir skatta af þessum bótum.Stefán Ólafsson prófessor hefur sýnt fram á þetta svo og Einar Árnason hagfræðingur eldri borgara.Á sama tíma og þetta hefur gerst hafa fasteignaskattar lagst með auknum þunga á eldri borgara, þar eð fasteignamat hefur stórhækkað vegna mikilla hækkana á söluverði fasteigna. Nokkur sveitarfélög hafa lækkað álagningarprósentu fasteignagjalda til þess að vega á móti hækkun fasteignamats en sú lækkun hefur tæplega dugað.Skattaálögur á aldraða eru mjög óréttmætar. Ellilífeyrisþegar eru búnir að greiða skatta og skyldur til þjóðfélagsins alla sína starfsævi.Þeir eru búnir að greiða í lífeyrissjóð allan þann tíma og þegar þeir loks eiga að njóta greiðslna
úr lífeyrissjóði á efri árum hrifsar ríkið stóran hluta af lífeyrinum með sköttum! Það eru teknir jafnháir skattar af lífeyri úr lífeyrissjóði eins og um atvinnutekjur væri að ræða.Það er forkastanlegt.Hámarks skattgreiðsla af lífeyri úr lífeyrissjóði ætti að vera 10% eins og af fjármagnstekjum en helst ætti lífeyririnn að vera skattfrjáls. Hið sama er að segja um ellilífeyrinn frá almannatryggingum. Það er alger hungurlús sem eldri borgarar fá frá Tryggingastofnun en samt verða þeir að greiða fulla skatta af því,sem skammtað er. .Auðvitað ætti ellilífeyrir að vera skattfrjáls.Ef skattleysismörk hefðu fylgt launavísitölu frá 1988 væru þau 129 þúsund krónur í dag. Það þýðir,að lífeyrir eldri borgara,grunnlífeyrir og tekjutrygging væru skattfrjáls.
Engin fasteignagjöld af 70 ára og eldri
Á stjórnmálafundi Félags eldri borgara í Reykjavík með frambjóðendum í borgarstjórnarkosningum var rætt um skattaálögur á eldri borgara,einkum fasteignagjöldin. Fram kom,að fasteignagjöldin eru allof há og sumir frambjóðendur vildu lækka þau. Auðvitað ætti Reykjavíkurborg að stuðla að því að ellífeyrisþegar gætu verið sem lengst í eigin íbúðum.Það er ódýrara fyrir samfélagið, þegar upp er staðið. Þetta gæti borgin gert með því að stórlækka eða afnema fasteignagjöld hjá ellilífeyrisþegum. Fram kom fyrirspurn á fundi Félags eldri borgara til frambjóðenda um það hvort til greina kæmi að afnema fasteignagjöld þeirra ellilífeyrisþega,sem orðnir væru 70 ára og eldri,þ.e. af einni íbúð hjá hverjum.Fulltrúi frjálslyndra á fundinum,Guðrún Ásmundsdóttir leikkona,fagnaði þessari hugmynd og kvaðst styðja hana. Hún sagði,að þetta væri góð hugmynd.Aðrir frambjóðendur gengu ekki eins langt og Guðrún gagnvart þessari hugmynd um afnám fasteignagjalda ellilífeyrisþega en þeir vildu lækka fasteignagjöldin.-Ef þessi breyting á fasteignagjöldum aldraðra krefst lagabreytingar verður að breyta lögum.
Burt með fasteignagjöldin eins og eignarskattana
Ríkið hefur fellt niður eignarskatta.Sú breyting var m.a. rökstutt með því að eignarskatturinn hafi í mörgum tilvikum verið íbúðarskattur, sem bitnað hafi þyngst á öldruðum,þar eð íbúðir hafi í mörgum tilvikum verið eina eign fólks.Það er ekki nema hálft gagn í því að fella niður íbúðarskatt til ríkisins ( eignarskatta), ef áfram þarf að greiða háa íbúðarskatta til sveitarfélaganna.Eðlilegast er að ríki og sveitarfélög fái tekjur sínar fyrst og fremst af tekjusköttum og neyslusköttum en ekki með skattlagningu eigna. Það er t.d. fráleitt að fasteignagjöld stórhækki, ef verð fasteigna hækkar.
Eldri borgarar eiga ekki að þurfa að hafa áhyggjur af því síðustu ár ævi sinnar hvort þeir geti greitt skatta til ríkis og sveitarfélaga. Þeir eiga að vera að mestu skattlausir síðustu æviárin.Þeir eru búnir að greiða næga skatta alla sína starfsævi. Veitum öldruðum áhyggjulaust ævikvöld.
Björgvin Guðmundsson | 
