 Samfylkingin hélt flokksstjórnarfund 22.september sl. á Selfossi. Þar var rætt um aðild flokksins að ríkisstjórn og hvernig til hefði tekist fyrstu 4 mánuðina. Forustumennirnir voru harla ánægðir með árangurinn þessa fyrstu 4 mánuði.Sumir kjósendur eru ekki eins ánægðir og voru farnir að halda að Samfylkingin hefði hugsað um það eitt að komast í ríkisstjórn en minna hugsað um að koma stefumálum sínum í framkvæmd. Í því sambandi sagði Ingibjörg Sólrún formaður á fundinum:"Mikilvægum áfanga er náð en, kæru vinir, við finnum í hjarta okkar og vitum að það eitt er ekki tilgangur Samfylkingarinnar að komast í ríkisstjórn. (Okkar hreyfing er ekki þannig gerð). Tilgangur okkar er að vera framsækið umbótaafl í íslensku samfélagi og stuðla að auknum jöfnuði, jafnvægi og farsæld fólksins í landinu. Við höfum viljann til umbóta og erum flokkur lausna og markvissrar stefnumótunar. Og sumarið 2007 hófumst við handa. Og vinnudagarnir hafa verið langir, í ráðuneytum hafa embættismenn verið vaktir upp til metnaðarfyllri verka en þeir höfðu lengi vanist."
Mörg mál í undirbúningi
Á flokksstjórnarfundinum var vikið að nokkrum málum sem Samfylkingin hefur hafið undirbúning að framkvæmd á sl. 4 mánuði.Þar ber hæst aðgerðaráætlun í þágu barna og ungmenna,sem samykkt var á sumarþinginu eftir þingkosningarnar.Það er raunar eina málið frá Samfylkingunni,sem samþykkt var á sumarþinginu. Hér er um mjög mikilkvægt mál að ræða og enda þótt um áætlun sé að ræða er verið að hefja framkvæmd aðgerða í þágu barna og ungmenna. Hið sama er að segja um ráðstafanir til þess að stytta biðlista eftir aðgangi að greiningar-og ráðgjafarstöð ríkisins. .Formaður Samfylkingarinnar nefndi einnig nefnd, sem hefur verið skipuð til þess að fjalla um breytingar á húsnæðiskerfinu, m.a. til þess að bæta stöðu láglaunafólks á húsnæðismarkaði, aðgerðir til þess að draga úr kynbundnum launamun og hún kvað í undirbúningi að einfalda almannatryggingakerfið.Formaður sagði,að tillögur um fyrstu aðgerðir í þágu aldraðra ættu að koma fram fyrir áramót Það er of seint.Ljóst er að margt er í undirbúningi og margar nefndir hafa verið skipaðar En í sumum málum þarf ekki að skipa nefnd, heldur þarf að framkvæma breytingar strax.Þetta á við um málefni aldraðra og öryrkja. Í málefnum þessara hópa liggur alveg fyrir hvað þarf að gera Það liggur fyrir álit stjórnskipaðrar nefndar um aðgerðir í málefnum öryrkja.Og það liggja fyrir mörg álit frá Félagi eldri borgara í Reykjavík og Landssabmandi eldri borgara um aðgerðir í kjaramálum aldraðra.Auk þess hefur Jóhanna Sigurðardóttir, núverandi félagsmálaráðherra, flutt fjölmargar tillögur á alþingi um aðgerðir í kjaramálum aldraðra og Samfylkingin flutti slíkar tillögur á alþingi sl. vetur.
Leiðréttingu strax í haust
Kjarninn í tillögum Jóhönnu Sigurðardóttur og Samfylkingarinnar er sá, að hækka eigi lífeyri ellilífeyrisþega til samræmis við neysluútgjöld samkvæmt könnun Hagstofu Íslands um meðaltals neysluúgjöld.Og síðan eigi að leiðrétta lífeyri aldraðra reglulega í samræmi við breytingar á neysluútgjöldum. Auk þess var gert ráð fyrir í tillögunum að afnema eða draga verulega úr tekjutengingum. tryggingabóta.Samfylkingin sagði í kosningabarátunni sl. vor, að kjör aldraðra hefðu dregist aftur úr kjörum annarra launþega í launaþróuninni á löngu undanfarandi skeiði. Samfylkingin sagði: Við ætlum að leiðrétta þetta misrétti. Ljóst er að þessi leiðrétting verður að fara fram í áföngum. Að mínu mati á fyrsti áfangi þessarar leiðréttingar að taka gildi strax í haust. Það gengur ekki að íta þessu máli á undan sér á þeim grundvelli að það þurfi að athuga það nánar. Allar athuganir liggja fyrir. Allar staðreyndir liggja fyrir. Það er komið að framkvæmdum. Það kann að vera að það þurfi að athuga eitthvað nánar hvað afnema eigi miklar tekjutengingar í tryggingakerfinu ( ef menn vilja ekki fylgja fordæmi Svía og afnema þær með öllu).En það þarf ekki að kanna neitt hækkun á lífeyri aldraðra. Það er einföld pólitísk ákvörðun hvað fyrsti áfangi slíkrar leiðréttingar eigi að vera stór.Ég geri kröfu til þess að lífeyrir aldraðra verði hækkaður strax í haust. Þessi lífeyrir er í dag skammarlega lágur og dugar hvegi nærri til framfærslu.
Eins og Framsókn hefði verið í stjórn!
Að því er varðar kjaramál aldraðra og öryrkja hefur ekkert gerst enn þó 4 mánuðir séu liðnir síðan ríkisstjórnin tók við völdum.Ástandið væri því ekkert verra í þeim málum þó Framsókn væri enn í stjórn.Kjósendur Samfylkingarinnar reiknuðu með árangri strax í sumar miðað við kosningaloforðin.Eldri borgarar taka ekki mark á neinum afsökunum í þessu efni. Það þarf ekkert að kanna eða athuga í þessu efni. Það hefur allt verið gert áður. Það þarf einfaldlega að hækka lífeyrinn og til þess þarf aðeins pólitískan vilja. Það eru nógir peningar til.
Björgvin Guðmundsson
Birt í Morgunblaðinu 11.oktober 2007 | 
