Haraldur Sturlaugsson fyrrverandi forstjóri Haraldar Böðvarssonar á Akranesi hefur sagt sig úr stjórn Granda. Þetta  kemur fram í yfirlýsingu frá Haraldi,sem birt var í Morgunblaðinu 22.júlí sl. Jafnframt hefur Haraldur hætt störfum hjá Granda.

  Í yfirlýsingu Haraldar segir,að  hann hafi ekki lengur ánægju af stjórnarsetu í fyrirtækinu þrátt fyrir áhuga og  reynslu. Hann kveðst ekki ná lengur viðunandi árangri og telur heiðarlegast að lýsa sig sigraðan og láta öðrum eftir stefnumörkun og stjórnun fyrirtækisins. Þetta eru mikil tíðindi. Haraldur Sturlaugsson er sonarsonur Haraldar Böðvarssonar,sem stofnaði fyrirtækið og það var kennt  við. Hann er sonur Sturlaugs Böðvarssonar,sem lengi var forstjóri fyrirtækisins. Þeir feðgar Sturlaugur og Haraldur ráku HB á Akranesi með miklum myndarskap og byggðu upp öflugt fyrirtæki. Grandi læsti greipum sínum í HB.Það hét svo,að um sameiningu væri að ræða en í raun var Grandi að gleypa HB  og ná kvótum fyrirtækisins.Hinir gömlu stjórnendur HB urðu fljótlega áhrifalausir og afsögn Haraldar Sturlaugssonar sannar,að svo hefur verið orðið.Þetta er enn eitt dæmið um slæmar afleiðingar kvótakerfsins.

Björgvin Guðmundsson