Össur Skarphéðinsson skýrir frá því á heimasíðu sinni,að Guðni Ágústsson sé hættur við að bjóða sig fram til formanns í Framsóknarflokknum.Hann hafi guggnað á því.Finnst  Össuri lítið hafa lagst fyrir kappann. Þessi tíðindi koma nokkuð á óvart. Guðni Ágústsson hefði orðið góður formaður.Hann er vinsæll og hefur sterkar rætur í Framsókn. En ljóst er, að  Guðni hefur  verið barinn niður. Lýðræðið í Framsókn er ekki orðið  það þróað enn, að það leyfi kosningu um formann. Það verður  að velja formann með tilnefningu eða tilskipun eins og í menntuðu einveldi.Búið er að tilnefna formann í Framsókn og þá þýðir ekki  fyrir neinn annan að ætla að bjóða sig fram. Ef það verður reynt mætir þeim hinum sama útskúfun  og áhrifaleysi.Menn muna hvernig fór fyrir Kristni Gunnarssyni,  þegar hann gagnrýndi forustuna.Honum var vikið úr öllum nefndum  og gerður áhrifalaus en tókst að vísu að rétta sinn hlut nokkuð á ný.Guðni vill ekki hljóta sömu örlög.Hann vill halda rádherraembættinu.

Björgvin Gudmundsson