Ég taldi víst, þegar Samfylkingin  gekk til stjórnarsamstarfs við Sjálfstæðisflokkinn í maí eftir þingkosningar, að  lífeyrir aldraðra yrði stórhækkaður á  árinu eins og kosningaloforð voru gefin um.En þær vonir hafa brugðist. Í staðinn ákvað ríkisstjórnin að draga úr skerðingum tryggingabóta ( lífeyris) hjá þeim,  sem væru á vinnumarkaði. Það er gott svo langt sem það nær en ég tel,að hér sé byrjað á öfugum enda. Það á að byrja á því að leiðrétta lífeyrinn svo hann dugi til  sómasamlegrar  framfærslu.Síðan eða samhliða má draga úr skerðingum og tekjutengingum.Það er ekki unnt að ganga út frá því, að allir ellilífeyrisþegar séu á vinnumarkaði.

Neysluútgjöld komin í 226 þús.á mánuði

 Samfylkingin gagnrýndi harðlega í þingkosningunum vorið 2007, að  lífeyrir aldraðra hefði ekki hækkað í samræmi við vísitöluhækkanir. Lífeyrir aldraðra hefði dregist  aftur úr í launaþróuninni. Samfylkingin sagði: Við ætlum að leiðrétta þetta. Samfylkingin sagðist ætla að  láta lífeyri aldraðra duga fyrir framfærslukostnaði í samræmi við opinera neyslukönnun Ný neyslukönnun Hagstofunnar var birt 18.desember 2007. Samkvæmt henni eru neysluútgjöld einstaklinga komin upp í 226 þúsund á mánuði,  til jafnaðar, að viðbættri verðlagshækkun frá því könnunin var gerð.Skattar eru ekki meðtaldir.Samfylkingin sagðist vilja leiðrétta lifeyri aldraðra í áföngum. Formaður Landssambands eldri borgara, Helgi K.Hjálmsson, segir, að hækka þurfi lífeyri   aldraðra í 200 þúsund á mánuði..

 60+ , samtök aldraðra i Samfylkingunni, samþykkti í nóvember 2007, að  hækka ætti lífeyri aldraðra í þá upphæð, er næmi neysluútgjöldum  einstaklinga   og að fyrsti áfangi þeirrar hækkunar ætti að taka gildi fyrir lok ársins 2007.Það varð ekki.

Farið á svig við samþykkt 60+

Því miður  var í fyrstu  aðgerðum ríkisstjórnarinnar algerlega farið á svig við  framangreinda samþykkt 60+ og einnig  gengið gegn  kosningaloforðum Samfylkingarinnar  í þessu efni.

Aðgerðir ríkisstjórnarinnar fyrir aldraða og öryrkja, sem taka eiga gildi  á tímabilinu 1.apríl n.k. til loka árs 2008  taka aðeins til þeirra, sem eru á vinnumarkaði. Það á að draga úr skerðingu tryggingabóta hjá þeim sem eru  á aldrinum 67-70 ára  og vilja vinna. Ríkisstjórnin hefur  ákveðið 100 þúsund króna frítekjumark á mánuði fyrir þennan hóp eldri borgara. Einnig á að afnema skerðingu tryggingabóta  aldraðra vegna tekna maka.Þar er   um mikið réttlætismál að ræða. Hæstiréttur hefur úrskurðað, að  það brjóti í bága við stjórnarskrána að skerða lífeyri öryrkja vegna tekna maka þeirra.Það sama hlýtur að gilda um ellilífeyrisþega. Þess vegna hefði

 þessi breyting átti að taka gildi strax í kjölfar  dóms Hæstaréttar en mörg ár eru liðin síðan sá dómur var kveðinn upp.Rannsóknarsetur verslunarinnar á Bifröst gerði könnun á því hve margir eldri borgarar mundu nýta sér það  að vinna,  ef skerðing tryggingabóta vegna atvinnutekna þeirra, yrði afnumin  eða lækkuð.Í ljós kom,að 30%  mundu nýta  sér það. Rannsóknarsetur verslunarinnar segir, að  það mundi þýða 4 milljarða auknar skatttekjur fyrir ríkissjóð.Samkvæmt því mundi það kosta ríkið lítið sem ekki neitt að  draga úr skerðingu tryggingabóta á þann hátt sem ríkisstjórnin hefur boðað.

Af því sem hér hefur verið rakið er ljóst,að Samfylkigin hefur ekki á síðustu 7 mánuðum staðið sig betur í velferðarmálum i ríkisstjórn en Framsókn gerði.Ríkisstjórnin  verður ekki dæmd af orðum og yfirlýsingum. Hún verður dæmd af verkum sínum.Samylkingin verður að taka sig mikið á  í velferðarmálum til þess að standa undir væntingum og kosningaloforðum.Um síðustu áramót tók Jóhanna Sigurðardóttir  við lífeyristryggingum almannatrygginga.Það er nú í hennar verkahring að leiðrétta lífeyri aldraðra og öryrkja á þann hátt,að unnt verði að lifa mannsæmandi lífi af honum.Ef Jóhanna stendur sig í þessu verkefni getur hún bætt stöðu Samfylkingarinnar í velferðarmálunum. Samfylkingin á eftir að sýna það,að  hún standi sig betur í ríkisstjórn en Framsóknarflokkurinn.

Björgvin Guðmundsson