Sif Friðleifsdóttir,heilbrigðisráðherra,lýsti því yfir 14.júlí,að gera ætti átak í  hjúkrunarmálum eldri borgara.

Fagna ber yfirlýsingu ráðherrans þó hún sé  mjög seint fram komin.Framsóknarflokkurinn hefur farið með heilbrigðismálin sl. 11 ár og setið í ríkisstjórn með Sjálfstæðisflokknum allan þann tíma.Algert vandræðaástand hefur skapast í hjúkrunar-og vistunarmálum aldraðra á þessu tímabili án þess,að ríkisstjórnin  hafi gert nokkurt átak til þess að leysa þau mál.Forráðamenn samtaka aldraðra segja,að Ísland sé langt á eftir hinum Norðurlöndunum á sviði þessa málaflokks.

  Íhaldið stöðvaði hjúkrunarheimili

Fyrir 4 árum undirrituðu borgarstjórinn í Reykjavík og þáverandi heilbrigðisráðherra  viljayfirlýsingu um byggingu hjúkrunarheimilis í Reykjavík.Geir Haarde  þáverandi fjármálaráðherra felldi yfirlýsinguna úr gildi  daginn eftir og sagði,að hún hefði ekkert gildi.Ríkisstjórnin kom í veg fyrir byggingu hjúkrunarheimilis í Reykjavík næstu 4 árin.

Með þessar staðreyndir í huga,hvaða þýðingu hefur þá yfirlýsing Sifjar nú? Mun Geir Haarde  og Sjálfstæðisflokkurinn stöðva framkvæmd  hennar eins og

áður? Hefur orðið  einhver breyting á stefnu Sjálfstæðisflokksins?Þess hefur ekki orðið vart  ennþá.Við tökum öllum yfirlýsingum með fyrirvara.Látum verkin tala.

Finnlandi  16.júlí  2006

Björgvin Guðmundsson