Frambjóðendur Sjálfstæðisflokksins tala nú eins og þeir vilji bæta kjör aldraðra.Lítið fer þó fyrir nákvæmum tillögum um það hvað þeir vilji gera, aðeins óljóst tal um aðgerðir  í vistunarmálum aldraðra í framtíðinni.Ekkert er talað nákvæmlega um hækkun lífeyris aldraðra.

Fengu hungurlús

 Ríkisstjórnin hefur ekkert raunhæft viljað gera í málefnum aldraðra. Á síðustu tæpum 12 árum hafa stjórnarflokkarnir haft af öldruðum 40 milljarða, þar eð ekki var staðið við loforð um að láta lífeyri til þeirra frá almannatryggingum fylgja lágmarkslaunum verkafólks.Í “samkomulagi”  (yfirlýsingu) við aldraða í júli á þessu ári var engu skilað af þessum 40 milljörðum. En aldraðir fengu einhverja hungurlús, þannig að nú er lífeyrir aldraðra einstaklinga frá almannatryggingum 123 þúsund á mánuði fyrir skatta á meðan neysluútgjöld einstaklinga  eru 178 þúsund á mánuði fyrir utan skatta ( 240 þúsund með sköttum).Þetta er til háborinnar skammar. Krafa aldraðra er að fá fulla leiðréttingu á því,sem haft hefur verið af þeim.