Reykjavíkurlistinn var við völd í Reykjavík í 12 ár og stóð sig mjög vel. Hann lyfti  Grettistaki í leikskólamálum,  grunnskólamálum og menningarmálum og vann að margvíslegum fleiri umbótum í Reykjavík. R-listinn afsannaði glundroðakenningu íhaldsins.4 flokkar stóðu að R- listanum og samstarf þeirra gékk vel allan tímann, allt þar til ákveðið var í lok kjörtímabilsins að leysa listann upp. En hvers vegna var samstarfinu hætt? Jú Vinstri græn vildu hætta því.Flokkurinn hélt víst,að hann fengi fleiri borgarfultrúa með því að bjóða fram einn. En svo reyndist ekki. Það voru mikil mistök að  hætta R-listasamstarfinu.Ef R-listinn hefði haldið áfram hefði hann fengið meirihluta í nýafstöðnum borgarstjórnarkosningum.Skoðanakannanir sýndu það eftir að ákveðið var að hætta R-listasamstarfinu,að borgarbúar vildu veita listanum brautargengi ef hann byði fram. R-listinn fékk meirihluta í skoðanakönnunum eftir að hann var hættur!Meira að segja fyrrum R-listaflokkum vantaði aðeins 2,9% atkvæða upp á hreinan meirihluta í nýafstöðnum kosningum.Flokkarnir misstu mikið af atkvæðum vegna þess að þeir hættu samstarfinu. Margir Reykvíkingar voru að refsa R-listaflokkunum fyrir að hætta samstarfinu.

  En það er grátlegt,að Vinstri græn skyldu óbeint stuðla að því að íhaldið kæmist til valda í Reykjavík með því að slíta R-listasamstarfinu.

Björgvin Guðmundsson